Arteta mag'lubiyatga kim sababchi ekanligini aytdi

Londonning "Arsenal" klubi bosh murabbiyi Mikel Arteta "Manchester Yunayted"dan uchralgan mag'lubiyatdan so'ng o'z fikrlarini bildirib o'tdi. Angliya Premer-ligasining 23-turidan o'rin olgan o'yin 2:3 hisobida yakunlandi.

"Mag'lubiyat uchun to'liq javobgarlikni o'z zimmamga olaman. Bunga qanday munosabatda bo'lishimiz muhim. Bizda hammasini to'g'rilash imkoniyati bor, chunki tiklanish uchun eng yaxshi joy maydon. Uch kundan keyin yana Chempionlar ligasida o'ynaymiz," - dedi Arteta jurnalistlarga.

23-tur yakunlariga ko'ra, "Arsenal" 50 ochko jamg'arishga muvaffaq bo'lib, Premer-liga turnir jadvalida peshqadamlik qilmoqda.