Serxio Ramos boshchiligidagi investorlar guruhi «Sevilya»ni sotib olmoqda – kelishuv summasi ma'lum

"Real" va "PSJ" klublarining sobiq himoyachisi Serxio Ramos va u boshchiligidagi investorlar guruhi "Sevilya"ni sotib olishga kelishib oldi, deb xabar beradi Carrusel Deportivo.

Manbaga ko'ra, kelishuv summasi taxminan 400 million evroni tashkil qiladi. 39 yoshli ispaniyalik o'zi tarbiya topgan klub prezidenti bo'ladi.

Ramos 2004-2005 yillar va 2023/24 yilgi mavsumda "Sevilya"ning asosiy jamoasida o'ynagan. Shuningdek, u "Real", "PSJ" va "Monterrey" klublarida ham o'ynagan. O'tgan yilning dekabr oyidan buyon erkin agent hisoblanadi.

"Sevilya" La Liga joriy mavsumining 21-turidan keyin turnir jadvalida 10-o'rinda bormoqda (24 ochko).