Kurtua Alonsoning Arbeloaga kelganidan keyin «Real»da qanday o'zgarishlar bo'layotganini aytdi

Madridning «Real» jamoasi darvozaboni Tibo Kurtua klubdan Xabi Alonso ketgani va bosh murabbiy lavozimiga Alvaro Arbeloa tayinlanganidan keyin jamoada yuz bergan o'zgarishlar haqidagi savolga javob berdi.

«Menimcha, juda katta o'zgarishlar bo'lmadi. Har bir murabbiyning mashg'ulotlarga o'z yondashuvi bor, ammo, ehtimol, hozir nimadir yaxshiroq uyg'unlashyapti. Mavsum oxirida kamida qandaydir quvonchga erishish uchun biz qattiq mehnat qilishda davom etishimiz kerak», — deya Kurtuaning so'zlarini keltiradi COPE.

Eslatib o'tamiz, Xabi Alonso o'tgan yozda «qaymoqranglilar» bosh murabbiyi etib tayinlangan edi. 12 yanvar kuni «Qirollik klubi» ispaniyalik mutaxassis bilan hamkorlik to'xtatilganini rasman e'lon qildi.