Mbappe La Liga to'purarlar jadvalida eng yaqin ta'qibchisini katta farq bilan ortda qoldirmoqda

"Real" hujumchisi Kilian Mbappe La Liga to'purarlari ro'yxatida peshqadamlikni mustahkamladi.

Frantsiyalik futbolchi Ispaniya chempionatining 21-turida "Vilyarreal"ga qarshi o'yinda (2:0) ikki marta raqib darvozasini ishg'ol qildi.

Endi 27 yoshli forvardning hisobida turnirning joriy mavsumida kiritilgan 21ta gol bor, u to'purarlar ro'yxatida 1-o'rinni egallab turibdi. Mbappening eng yaqin ta'qibchisi "Malorka" vakili Vedat Muriki 14 ta gol urgan.