"Bavariya" yanvar oyida "Chelsi himoyachisi bilan shartnoma imzolashi mumkin

"Bavariya" Josh Achimpongni sotib olishi mumkin.

Myunxen klubi "Chelsi" himoyachisini o'z safiga qo'shib olmoqchi va yanvar oyida transfer taklifi bilan chiqish haqida o'ylamoqda, deb yozadi The Guardian. "Bavariya" yozda mudofaani qayta qurishni rejalashtirayotgani taxmin qilinmoqda.

19 yoshli futbolchini "Kristal Pelas" ham kuzatib bormoqda.

"Chelsi" hali Achimpong transferi bo'yicha rasmiy taklif olgani yo'q. Klubdagi manbalarning ta'kidlashicha, "ko'klar" futbolchini olib qolmoqchi.

Joriy mavsumda Josh APLda 9 ta o'yinda maydonga tushib, 1 ta gol urdi.