"Bavariya" 322 kun ichida birinchi marta Bundesligada uy uchrashuvida mag'lub bo'ldi

"Bavariya" muxlislarini ranjitdi. Vensan Kompani jamoasi o'z maydonida "Augsburg"ga qarshi o'yinning birinchi bo'limi o'rtalarida hisobni ochdi, ammo yakunda 1:2 hisobida mag'lub bo'ldi. Ushbu mag'lubiyat myunxenliklar uchun Bundesliganing joriy mavsumidagi ilk mag'lubiyat bo'ldi.

Eslatib o'tamiz, "Bavariya" so'nggi bor 322 kun oldin - o'tgan yilning 8 mart kuni Germaniya chempionatida o'z maydonida mag'lub bo'lgandi. O'shanda myunxenliklar "Boxum"ga 2:3 hisobida imkoniyatni boy bergandi.

Endi Bundesliga jadvalida 2-o'rinda borayotgan Dortmundning "Borussiya" klubi "Bavariya" bilan oradagi farqni qisqartirish imkoniyatiga ega bo'ldi. Hozir farq 11 ochkoni tashkil qiladi. "Borussiya" keyinroq Berlinning "Union" klubiga qarshi maydonga tushadi.