"PSJ"ning 18 yoshli forvardi APL klublari e'tiborini tortdi

Angliya Premer-ligasining bir qator klublari "PSJ" forvardi Ibrohim Mbayega e'tibor qaratdi. Jurnalist Florian Plettenbergning ma'lum qilishicha, "Chelsi" va "Aston Villa" Afrika Millatlar Kubogida yorqin o'yin ko'rsatgan 18 yoshli iqtidor egasi uchun kurash olib bormoqda. Har ikki klub ham senegallik futbolchi atrofidagi vaziyatni diqqat bilan kuzatib bormoqda.

Angliya jamoalari qiziqish bildirayotganiga qaramay, "PSJ" Mbaye bilan xayrlashmoqchi emas. Futbolchining parijliklar bilan 2028 yilgacha mo'ljallangan shartnomasi bor va klub uni jamoada olib qolish uchun yangi kelishuv taklif qilish imkoniyatini ko'rib chiqmoqda.

Mbaye joriy mavsum "PSJ" safida barcha musobaqalarda 21 ta o'yinda maydonga tushib, 1 ta gol va 2 ta golli uzatma muallifi bo'ldi.