16 yoshli Kay Runi ilk bor «Old Trafford»da maydonga tushdi
/ Kiritdi: BestMaster Ko'rilgan: 592
Sobiq hujumchi Ueyn Runining 16 yoshli o'g'li Kay Runi "Old Trafford"da ilk bor "Manchester Yunayted" U18 jamoasida o'ynadi.
Vinger Angliya kubogining 4-raundida "Derbi"ga qarshi o'yinda qo'shimcha bo'limlarda zaxiradan maydonga tushdi.
Runi o'yinning 99-daqiqasida 0:0 hisobi vaqtida maydonga tushdi. Oradan vaqt o'tib, "Derbi" himoyachisi Luka Krolla to'pni o'z darvozasiga joylab qo'ygan bo'lsa, yana 3 daqiqa o'tib, "Yunayted" forvardi Chido Obi hisobdagi farqni oshirdi.
Uchrashuv 2:1 hisobida "Manchester Yunayted"ning g'alabasi bilan yakunlandi. 1/8 finalda Darren Fletcher jamoasi keyingi oyda "Oksford Yunayted" bilan kuch sinashadi.
O'g'lining debyutini Ueyn Runi tribunadan kuzatdi: u direktorlar lojasida asosiy jamoa bosh murabbiyi Maykl Kerrik va murabbiy Jonni Evans bilan birga edi.
Uchrashuv davomida muxlislar "Runi, Runi" deb hayqirishdi.
Bosh sahifaga
339