Rasman. «Napoli» qanot hujumchisini «Galatasaray»ga ijaraga berdi

«Galatasaroy» rasmiy saytida «Napoli»ning qanot hujumchisi Noa Langni joriy mavsum oxiriga qadar ijaraga olganini, shartnomada majburiy bo'lmagan sotib olish huquqi mavjudligini e'lon qildi.

Qayd etilishicha, Turkiya grandi 26 yoshli futbolchining vaqtinchalik ijarasi uchun neapolliklarga 2 mln evro to'laydi. Shu bilan birga, niderlandiyalik vingerning maoshi bonuslar hisobga olinmagan holda kamida 1,75 mln evroni tashkil etadi.

Lang 2025 yil yozidan buyon «Napoli» safida to'p surib kelmoqda. Joriy mavsumda u barcha musobaqalarda 27 ta o'yinda qatnashib, 1 ta gol va 2 ta golli uzatma muallifi bo'ldi. Futbolchining klub bilan amaldagi mehnat shartnomasi 2030 yil yoziga qadar mo'ljallangan. Transfermarkt portali ma'lumotlariga ko'ra, uning bozor qiymati 25 mln evroni tashkil etadi.