«Barsa» Fermin Lopes vakillari bilan uchrashdi

"Barselona" Fermin Lopes bilan yangi shartnoma imzolamoqchi.

Diario Sport nashri xabariga ko'ra, "ko'k-anorranglilar" yarim himoyachisiga bir qator klublar qiziqish bildirayotgani sababli harakat qilishga qaror qilgan va uning vakillari bilan uchrashuv tashkil qilgan.

Kataloniyaliklar maoshni sezilarli darajada oshirish va shartnomani ikki yilga uzaytirishni taklif qilmoqda. Amaldagi bitimning amal qilish muddati 2029 yilning yozigacha.

Fermin jamoada qolishni va asosiy futbolchilardan biriga aylanishni istaydi. U bu mavsumda La Ligada 14ta o'yinda maydonga tushib, 4ta gol urdi.