"Beshiktosh" forvardi yana "Benfika"ga qaytdi

"Benfika" "Beshiktosh" forvardi Rafa Silvani o'z safiga qo'shib olganini e'lon qildi. Futbolchi 2028 yilgacha mo'ljallangan shartnoma imzoladi, deb xabar beradi "burgutlar" rasmiy sayti.

Transfermarkt ma'lumotiga ko'ra, ushbu transfer portugal klubiga 5 million evroga tushgan. Silva "Beshiktosh"ni murabbiy va klub rahbariyati bilan kelishmovchilik tufayli tark etdi.

"Men uyni sog'indim va qaytishni xohladim. Bir necha kun oldin imkoniyat paydo bo'ldi va hammasi amalga oshdi. Bu erga qaytish imkoniyati uchun minnatdorman," - dedi futbolchi.

Hujumchi "Benfika"dagi 8 mavsumida (2016-2024) 326 ta o'yinda maydonga tushib, 94 ta gol urgan va 79 ta golli uzatmani amalga oshirgan. Rafa Silva joriy mavsum 16 ta o'yinda maydonga tushdi va 5 ta gol urdi.