«Tottenxem» «Liverpul» yulduzini qishda transfer qilish bo'yicha muzokaralarni boshladi

«Tottenxem» Endryu Robertsonni sotib olishni ko'zlamoqda, deb xabar beradi The Athletic.

«Shporlar» bir muddatdan beri futbolchini kuzatib kelmoqda. Avvaliga klub himoyachini yozda erkin agent sifatida tarkibiga qo'shib olishni rejalashtirgan edi. Biroq keyinchalik «Tottenxem» rejalari o'zgardi va klub futbolchini yanvar oyidayoq sotib olishga tayyor.

Nashr ma'lum qilishicha, «shporlar» allaqachon «Liverpul»ga rasmiy taklif yuborib, muzokaralarni boshlagan. Bitimning moliyaviy jihatlari hozircha noma'lum.

Joriy mavsumda Robertson deyarli o'yin amaliyotiga ega bo'lmadi — u bir o'yinda o'rtacha taxminan 13 daqiqa harakat qildi.

Avvalroq «Tottenxem» yangi himoyachini ham tarkibiga qo'shib olgan edi.