Ter Shtegen "Barselona"ni tark etishdan oldin Erik Garsiya bilan qanday maslahatlashganini so'zlab berdi

"Barselona" darvozaboni Mark-Andre ter Shtegen yaqinda ijara asosida "Jirona" safiga qo'shildi. Germaniyalik futbolchi joriy mavsum yakuniga qadar "oq-qizillar" sharafini himoya qiladi.

33 yoshli darvozabon klubni tark etishdan oldin aynan "Jirona"da tajriba orttirib, faoliyatini muvaffaqiyatli boshlagan himoyachi Erik Garsiya bilan maslahatlashganini tan oldi.

"Erik klub va o'sha davr haqida juda iliq fikrlar bildirdi. U menga: "Jirona"da seni tez qabul qilishadi, u erda oilaviy muhit bor", derdi. Endi u "Barselona"ning asosiy o'yinchisi, bu bilan uni tabriklash kerak. Uning "Jirona"dagi ijarasi boshqalarga o'rnak bo'lishi mumkin", - dedi ter Shtegen matbuot anjumanida.

26 yanvar kuni Michel jamoasi La Liga 21-turidan o'rin olgan "Xetafe"ni o'z maydonida qabul qiladi.