Jastin Getji UFC'dagi bonuslar tizimini tanqid qildi

UFC'ning engil vazn toifasida (70 kg) ikki karra chempionlik uchun da'vogar bo'lgan amerikalik jangchi Jastin Getji promoushenda amalda bo'lgan bonuslar tizimidan noroziligini bildirdi.

37 yoshli sportchining ta'kidlashicha, faoliyati davomida qo'lga kiritilgan 14 ta bonusning umumiy miqdori 1 million AQSh dollariga ham etmagan. Uning fikricha, bonus pullari jangchilarning mehnati va xavf darajasiga mos ravishda sezilarli oshirilishi lozim.

“Men 14 marta bonus olganman, ammo umumiy hisobda bir million dollarga ham etmaydi — bu adolatli emas. Bonuslar ancha ko'proq miqdorda bo'lishi kerak. Albatta, men o'zim ham moliyaviy masalalarda aqlliroq qarorlar qabul qilishim mumkin edi, ammo bunday qilmaganman. Hozirgacha Daniel Korme barcha jangchilar Paramount bilan tuzilgan kelishuv sababli ko'proq daromad olishini aytayotganini eshitdim. Men esa bu kelishuvdan bir dollar ham olmasligimni bilaman”, deydi Getji.

Ma'lumot uchun, Jastin Getji navbatdagi jangini engil vazn vaqtinchalik chempionlik kamari uchun britaniyalik Peddi Pimblettga qarshi o'tkazadi.