Italiyaning ikki top-klubi "Arsenal" hujumchisi Jezusga qiziqish bildirmoqda

Hujumchi Gabriel Jezus "Arsenal"ni tark etishi mumkin.

Calciomercato xabariga ko'ra, yozgi transfer oynasi braziliyalik futbolchi uchun burilish nuqtasi bo'lishi mumkin. Hujumchining amaldagi shartnomasi tugashiga bir yarim yil qoldi va London klubi o'z futbolchisini sotish imkoniyatini ko'rib chiqishi mumkin. Jezusning transferiga "Yuventus" va "Milan" klublari qiziqish bildirmoqda, ular futbolchi transferi bo'yicha taklif berishga tayyor.

Gabriel Jezus 2022 yilda "Manchester Siti"dan 52 million evro evaziga "Arsenal"ga o'tgandi. Joriy mavsumda hujumchi "kanonirlar" safida barcha musobaqalarda 12 ta o'yinda maydonga tushib, 3 ta gol urdi va 1 ta golli uzatmani amalga oshirdi.