"Arsenal" yulduzi Ronalduning "An-Nasr"dagi jamoadoshiga aylanishi mumkin

Londonning "Arsenal" klubi vingeri Gabriel Martinelli yana Saudiya Arabistoni chempionati vakillarining e'tiboriga tushdi. "An-Nasr" braziliyalik futbolchiga jiddiy da'vogar hisoblanadi, deb xabar bermoqda jurnalist Ben Jeykobs.

"Kanonirlar" 24 yoshli futbolchini sotish imkoniyatini ko'rib chiqishga tayyor. Klub sport direktori Andrea Berta kelasi mavsum oldidan jamoaga yangi chap qanot vingeri topishni istaydi.

Gabriel Martinelli o'tgan yozda ham faoliyatini Saudiya Arabistonida davom ettirish variantlariga ega edi, ammo u Evropani tark etishni istamadi. Futbolchi jahon chempionatidan keyin o'z pozitsiyasini o'zgartiradimi yoki yo'qmi, hozircha noma'lum. Martinellining Transfermarkt saytidagi narxi - 45 mln evro.