"Tottenxem" Alonsoni taklif qilishga tayyor - murabbiy boshqa klubni afzal ko'rmoqda

"Tottenxem" rahbariyati Xabi Alonsoni bosh murabbiy etib tayinlash haqida o'ylamoqda. "Shporlar" hozirgi bosh murabbiyi Tomas Frank bilan xayrlashgan taqdirda ispaniyalik mutaxassisga murojaat qilishga tayyor. Shunga qaramay, jurnalist Ben Jeykobsning yozishicha, Madridning "Real" klubi sobiq bosh murabbiyi Angliyaning boshqa bir klubi - "Liverpul"da ishlamoqchi, ammo mersisaydliklar hozircha Arne Slotga ishonmoqda. Alonso uzoq kutmoqchi emas, shuning uchun tez orada boshqa variantlarni ko'rib chiqishi mumkin.

Tomas Frank 2025 yilning yozidan buyon "Tottenxem"da ishlab kelmoqda. Ayni damda londonliklar Premer-liga turnir jadvalida 14-o'rinda bormoqda.