«Napoli» prezidenti klub sport direktorini ishdan olmoqchi

Italiyaning "Napoli" klubi sport direktori Jovanni Mannani iste'foga chiqarishi mumkin, deya xabar bermoqda italiyalik jurnalist Lorentso di Benedetto.

Muxbirning so'zlariga ko'ra, bu boradagi tashabbus klub prezidenti Aurelio de Laurentisdan chiqqan bo'lib, u Mannaning ishlashidan norozi.

Eslatib o'tamiz, mutaxassis Neapol klubi shtabiga 2024 yilning 29 may kuni kelgan edi. Mannaning "Napoli" uchun birinchi mavsumi juda muvaffaqiyatli bo'ldi - klub chempionlikni qo'lga kiritdi.