«Arsenal» Sakaga yangi shartnoma taklif qildi

Hujumchi Bukayo Saka tez orada Londonning "Arsenal" klubi bilan yangi shartnoma imzolashi mumkin, deb xabar beradi jurnalist Nikolo Skira.

18 yoshli ingliz futbolchisining "Arsenal" bilan amaldagi shartnomasi 18 oydan keyin tugaydi.

Manbaga ko'ra, "Arsenal" Saka bilan 2025-yilgacha yangi kelishuvni taklif qilgan, ammo bitimning moliyaviy tafsilotlari ko'rsatilmagan.

Avvalroq "Manchester Yunayted", "Liverpul" va "Bavariya" Bukayo Sakaga qiziqish bildirayotgani haqida xabarlar tarqalgan edi.

Manba: Sky Sports