"Real" "Manchester Yunayted"dan Ruben Neveshni olib qo'yishi mumkin

"Real" "Al-Hilol" yarimhimoyachisi Ruben Neveshni o'z safiga qo'shib olmoqchi.

AS xabariga ko'ra, portugaliyalik Saudiya klubini tark etishga tayyor, "qaymoqranglilar" esa xavbek transferi variantini ko'rib chiqmoqda. "Real"dagilarning fikricha, "Al-Hilol" o'z futbolchisini 26 million evroga sotishga tayyor.

Ruben Nevesh 2023 yilda "Al-Hilol"ga "Vulverxempton"dan 55 million evro evaziga o'tgandi. Uning shartnomasi 2026 yilning 30 iyuniga qadar imzolangan. Joriy mavsumda portugaliyalik futbolchi Saudiya Arabistoni klubi safida barcha musobaqalarda 21 ta o'yinda maydonga tushib, 8 ta gol urdi va 4 ta golli uzatmani amalga oshirdi.

Eslatib o'tamiz, Ruben Nevesh transferiga "Manchester Yunayted" ham qiziqish bildirmoqda.