Keynning kelajagi haqida yangi ma'lumotlar paydo bo'ldi

Matbuotda yulduz hujumchi Xarri Keynning kelajagi haqida yangi ma'lumotlar paydo bo'ldi. Ijtimoiy tarmoqlarda jurnalist Nikolo Skiraning ma'lum qilishicha, 32 yoshli Keyn "Bavariya" bilan shartnomani uzaytirishga yaqin turibdi.

Xarri Keyn "Bavariya" bilan 2028 yilning yarmigacha mo'ljallangan shartnoma imzolashi kutilmoqda. Unda yana bir yilga uzaytirish imkoniyati ko'rsatiladi.

Xarri Keyn 2023 yilning yozidan buyon "Bavariya" sharafini himoya qilib kelmoqda. O'shandan beri ingliz Myunxen jamoasi safida 124 ta o'yin o'tkazib, o'z hisobiga 117 ta gol va 30 ta golli uzatma yozdirib qo'ygan.