"Inter" EChLda ketma-ket 3 ta mag'lubiyatdan so'ng kuchli sakkizlikni tark etdi

"Inter" Chempionlar Ligasida ketma-ket uchinchi bor mag'lubiyatga uchradi.

Kristian Kivu jamoasi kecha o'z maydonida "Arsenal"ga (1:3) imkoniyatni boy berib qo'ydi. 9 dekabr kuni ular "Liverpul"ga (0:1), 26 noyabr kuni "Atletiko"ga (1:2) yutqazgan edi.

Milanliklar umumiy bosqichning 7 turida 12 ochko jamg'arishdi. Ular bugungi o'yinlardan so'ng 1/8 final yo'llanmasini to'g'ridan-to'g'ri qo'lga kiritish hududini tark etishdi va ayni damda 9-o'rinda borishmoqda.

So'nggi turda "Inter" Dortmundning "Borussiya" klubiga qarshi maydonga tushadi - bu 28 yanvar kuni bo'lib o'tadi.