Uolkott: "Arsenal"ning birdamligidan hayratdaman"

Londonning "Arsenal" klubi Angliya chempionligi sari dadil borayotgan bo'lsa, kecha klub Chempionlar Ligasida Italiya chempionati peshqadami "Inter"ni mag'lub etib, o'z yuqori sport formasini yana bir bor namoyish etdi. Bu "Arsenal"ning sobiq futbolchisi Teo Uolkottda katta taassurot qoldirdi.

"Arteta o'zi ishongan futbolchilarga tayanadi. Jamoaning ahilligi meni hayratga solmoqda, ularning barchasi bir-birini sug'urta qila oladi va murabbiy tomonidan qo'yilgan standartlarni hurmat qiladi," - deya Uolkottning so'zlarini keltiradi BBC Sport.

"Arsenal" so'nggi marta 2006 yilda Chempionlar Ligasi finalida o'ynagan. Klub hech qachon bu nufuzli turnirda g'olib bo'lmagan.