«Lokomotiv» serbiyalik yarim himoyachi transferini e'lon qildi

Yangi mavsumga hozirlik ko'rayotgan "Lokomotiv" serbiyalik futbolchi Yovan Nishich bilan shartnoma imzoladi.

Ma'lumot uchun, Yovan Nishich 1998 yil 3 mart kuni tug'ilgan bo'lib, markaziy yarim himoyachi ampluasida to'p tepadi.

U Toshkentga kelguniga qadar faoliyatining oxirgi qismini Serbiya chempionati vakili "Radnichki Nish" klubida o'tkazdi.

Ushbu futbolchi o'z vaqtida Serbiya o'smirlar va yoshlar terma jamoalarida ham bir nechta o'yinda maydonga tushgan.