Osiyo kubogi-2019. O'zbekiston terma jamoasi Al-Aynga ko'chib o'tdi va dastlabki mashg'ulotni o'tkazdi
/ Kiritdi: BestMaster Ko'rilgan: 11263
O'zbekiston milliy terma jamoasi a'zolari bugun Al-Ayn shahriga etib kelib, "Hili Rayhaan Rotana" mehmonxonasiga joylashishdi. Tashkiliy qo'mita a'zolari va mehmonxona vakillari delegatsiyamiz a'zolarini juda iliq kutib olishganini ham alohida ta'kidlab o'tish kerak.
Bugunning o'zida mahalliy vaqt bilan soat 18:00da terma jamoamiz a'zolari "Xalifa bin Zayd" stadionining 3-maydonida Al-Ayndagi dastlabki mashg'ulotni o'tkazishdi.
Kecha Turkmanistonga qarshi o'yinda asosiy tarkibda maydonga tushgan futbolchilar alohida guruhda mashq olib borishdi. Qolgan futbolchilar umumiy guruhda mashg'ulotlarni davom ettirishdi.
Eslatib o'tamiz, 17 yanvar kuni "Xalifa bin Zayd" stadionida O'zbekiston milliy terma jamoasi guruh bosqichining so'nggi o'yinida Yaponiya terma jamoasiga qarshi maydonga tushadi.