«Inter» «Siti»dan ijaraga olingan Akanji bo'yicha qaror qabul qilgan

"Inter" rahbariyati "Manchester Siti"dan himoyachi Manuel Akanjini to'liq sotib olish niyatida. Bu haqda insayder Fabritsio Romano ma'lum qildi.

Manba ma'lumotlariga ko'ra, "Inter" Akandji bo'yicha avval qabul qilingan qarorga shubha qilmayapti. Milanliklar futbolchini 15 million evro evaziga sotib olish bandini faollashtirishni rejalashtirgan. Joriy mavsumda himoyachi "neradzurrilar" safida ijara asosida to'p tepmoqda.

Joriy mavsumda 30 yoshli shveytsariyalik futbolchi A Seriya va Chempionlar ligasida jami 25 ta o'yinda maydonga tushdi.

21 turdan keyin "Inter" Italiya chempionati turnir jadvalida 49 ochko bilan peshqadamlik qilmoqda.