Alvares uchun kurashda ikki grand klub qatnashadi

Madridning "Atletiko" klubi hujumchisi Xulian Alvares kelasi yozda jamoasini o'zgartirishi mumkin, deya xabar berdi Relevo.

Manbaga ko'ra, 25 yoshli argentinalik yulduz uchun "Barselona" va "Chelsi" asosiy da'vogar hisoblanadi. "Matraschilar" rahbariyati o'z yulduzi uchun 100 million evrodan yuqori bo'lgan takliflarni ko'rib chiqadi.

2024 yilning yozida "Atletiko"ga o'tgan Alvares klub uchun jami 84 ta o'yinda 40 ta gol urib, 13 ta golli uzatma bergan.