"Latsio"ning sobiq futbolchisi vafot etdi

Barchamizga ma'lumki, baxtsizlik hech qachon yolg'iz kelmaydi.

Italiya chempionatida "Latsio"ning "Komo"ga qarshi uy uchrashuvidagi mag'lubiyati bilan bir qatorda, Rim klubining sobiq o'yinchisi Pero Kukkining vafoti haqida xabar tarqaldi.

U 1960 yillarning oxirlarida "Latsio" safida yarim himoyachi sifatida o'ynagan va 86 yoshida vafot etdi.

Kukki "Latsio" safida 64 ta o'yinda maydonga tushib, to'rtta gol urgan. Zamondoshlari Kukkini o'z davrining eng kamtarin va mehnatkash o'yinchilaridan biri sifatida eslashadi, deb xabar beradi cittaceleste.it.