Niko Pas joriy mavsum A Seriyada "gol+pas" bo'yicha faqat Lautarodan ortda qolmoqda

"Komo" yarim himoyachisi Niko Pas A Seriya joriy mavsumida o'zining 7- va 8-gollarini urdi.

Argentinalik futbolchi Italiya chempionatining 21-turida "Latsio"ga qarshi bahsning 24 va 49-daqiqalarida raqib darvozasini ishg'ol qildi (3:1). Shuningdek, u 35-daqiqada penaltidan foydalana olmadi.

Mavsum davomida Pas chempionatda 21 ta o'yinda 8 ta gol urib, 6 ta golli uzatmani amalga oshirgan. «Gol+pas» tizimi bo'yicha undan ko'proq ochko faqat "Inter" hujumchisi Lautaro Martinesda bor — 15 (11+4).