"Liverpul"ning Konate bilan muzokaralari boshi berk ko'chaga kirib qoldi

Ayni paytda "Liverpul" va himoyachi Ibraima Konate o'rtasida yangi shartnoma bo'yicha muzokaralar murakkab bosqichda turibdi. Bu haqda jurnalist Grem Beyli xabar berdi.

Manba ma'lumotlariga ko'ra, Konate o'z o'yin darajasi unga yuqori maosh talab qilish imkonini beradi, deb hisoblaydi. U joriy mavsumda tanqidlar bo'lganiga qaramay, Premer-ligadagi eng yuqori maosh oluvchi himoyachilardan biriga aylanishni istamoqda. Biroq "Liverpul" hozircha bunday qadamga tayyor emas.

Joriy mavsumda 26 yoshli frantsiyalik himoyachi barcha musobaqalarda 30 ta o'yinda maydonga tushib, 1 ta gol urgan. Uning "Liverpul" bilan amaldagi mehnat shartnomasi 2026 yil yozida yakunlanadi.