Arbeloa: "Vinisius "Real"ga ikki bor EChLni olib bergan"

"Real" bosh murabbiyi Alvaro Arbeloa La Liganing 20-turida "Levante"ga qarshi o'yinda (2:0) "qaymoqranglilar" muxlislarining qanot hujumchisi Vinisius Juniorga nisbatan hushtakbozligiga munosabat bildirdi.

"Vini "Bernabeu" qo'llab-quvvatlashini olishni istaydi va umid qilamanki, u bunga erishadi. Barcha futbolchilar kabi. Vini ko'p yillardan beri bu erda o'z tarixini yozib kelmoqda. U bizga ikki marta Chempionlar ligasi sovrinini taqdim etdi. U esa o'zini eng yaxshi tomondan ko'rsatishi uchun "Bernabeu" qo'llab-quvvatlashiga muhtoj.

U juda hissiyotli. Murabbiy sifatida men Vinisius va jamoadagi barcha futbolchilar uchun "Bernabeu" qo'llab-quvvatlashini ko'rishni istayman", — deya Arbeloaning so'zlarini keltiradi Mundo Deportivo.