"Borussiya" D vingeri ijaraga ketishga yaqin turibdi

"Borussiya" Dortmund vingeri Yulien Dyuranvill "Bazel"ga o'tishi mumkin. Bu haqda jurnalist Florian Plettenberg xabar berdi.

Manba ma'lumotlariga ko'ra, ikki klub o'rtasidagi muzokaralar hali ham davom etmoqda. Ijara bo'yicha bitimning so'nggi jihatlarini kelishib olish qolgan. 19 yoshli futbolchi "Bazel"ga o'tishga qiziqish bildirgan, qolgan barcha takliflar esa hozircha rad etilgan.

Dyuranvill 2023 yilda "Anderlext"dan "Borussiya"ga 8,5 million evro evaziga ko'chib o'tgan. Joriy mavsumda u "qora-sariqlar"ning asosiy tarkibida birorta rasmiy o'yinda ishtirok etmagan. Futbolchining "Borussiya" bilan shartnomasi 2028 yilga qadar amal qiladi.