Mbappe Xabi Alonso bilan munosabatlari qanday bo'lganini aytdi

"Real" hujumchisi Kilian Mbappe o'zi bilan Xabi Alonso o'rtasida muammolar bo'lgani haqidagi mish-mishlarga izoh berdi. Eslatib o'tamiz, Alonso bir hafta avval madridliklar bosh murabbiyi lavozimini tark etgan edi.

"Xabi Alonso bilan hech qanday muammolarimiz bo'lmagan. Xabi muvaffaqiyatsiz bo'lgan, deb aytish — noto'g'ri. Uning qo'l ostida biz faqat Superkubokni yutqazdik, xolos. Mening fikrimcha, Xabi ajoyib murabbiy bo'ladi. U bilan munosabatlarim juda yaxshi edi", — deya Mbappening so'zlarini keltirdi Fabritsio Romano.

"Real" navbatdagi o'yinini seshanba kuni, 20 yanvar sanasida o'tkazadi. Alvaro Arbeloa jamoasi Chempionlar ligasida o'z maydonida "Monako"ga qarshi bahs olib boradi.