Fabregas: "Biz o'z futbolimizni o'ynashda davom etishimiz shart"

"Komo" bosh murabbiyi Sesk Fabregas Italiya chempionatida "Latsio"ga qarshi o'yin oldidan fikr bildirdi. A Seriyaning 21-turi doirasidagi uchrashuv 19 yanvar kuni bo'lib o'tadi va Toshkent vaqti bilan soat 00:45 da start oladi.

"Biz "Milan"ga qarshi o'yindan keyin to'liq qoniqmadik, biroq harakatlarimizdan faxrlanamiz. Futbolchilar his qilayotgan xafalik energiyaga aylanishi kerak. Biz o'z futbolimizni o'ynashda davom etishimiz shart", — deya Fabregasning so'zlarini jurnalist Alfredo Pedula.

"Latsio"? Jamoa o'sib bormoqda. Sarri qo'l ostida klub aniq o'yin uslubiga ega. Yarim himoyada ikki kuchli qanot o'yinchisi bor, himoyasi juda mustahkam va ixcham. Bu raqib menga juda yoqadi. Uslub jihatidan bir-biriga yaqin bo'lgan jamoalar o'rtasida ajoyib o'yin bo'ladi", — deya qo'shimcha qildi Fabregas.

Ayni paytda "Komo" 34 ochko bilan turnir jadvalida oltinchi o'rinda bormoqda, "Latsio" esa 28 ochko bilan to'qqizinchi pog'onada joylashgan.