"Milan" avgust oyidan buyon A Seriyada mag'lub bo'lmayapti

"Milan" Italiya chempionatida mag'lubiyatsiz seriyasini davom ettirdi.

Massimiliano Allegri jamoasi A Seriyaning 21-turida "Lechche"ni 1:0 hisobida mag'lub etdi.

"Rossonerilar" A Seriyada faqat bitta mag'lubiyatni qabul qilgan — 23 avgust kuni "Kremoneze"ga qarshi (1:2). Shundan beri jamoa 13 ta g'alaba va 7 ta durang qayd etdi.

Ayni paytda "Milan" turnir jadvalida ikkinchi o'rinni egallab turibdi: u peshqadam "Inter"dan 3 ochkoga ortda qolmoqda va xuddi shu farq bilan "Napoli"ni ortda qoldirmoqda. Keyingi turda "Milan" "Roma"ga qarshi maydonga tushadi — uchrashuv 25 yanvar kuni bo'lib o'tadi.