TsSKA tarixidagi eng yirik transfer amalga oshmaydigan bo'ldi

"Levante"ning kamerunlik markaziy hujumchisi Karl Etta Eyong TsSKAga o'tishdan bosh tortdi.

Ma'lum qilinishicha, «harbiylar» hujum chizig'ini kuchaytirish maqsadida forvardni tarkibga qo'shmoqchi bo'lgan va u uchun 30 million evro to'lashga tayyor edi. Biroq futbolchi Rossiya Premer-ligasiga ko'chib o'tishni istamayapti, deb xabar beradi jurnalist Ben Djeykobs.

Agar amalga oshganida, ushbu transfer TsSKA tarixida rekordga aylanishi mumkin edi, chunki klub avval hech qachon futbolchi uchun bunchalik katta summa to'lamagan.

2025/2026 yilgi mavsumda 22 yoshli Eyong Ispaniya chempionati va Kubogida 18 ta o'yin o'tkazib, 6 ta gol urdi hamda 3 ta golli uzatmani amalga oshirdi.