Paulo Dibala so'nggi 20 yildagi A seriya rekordini o'rnatdi

«Roma» hujumchisi Paulo Dibala 2006/2007 yilgi mavsumdan buyongi davrda A seriya tarixidagi eng sermahsul legioner sifatida tarixga kirdi. Uning hisobida kamida 200 ta golli harakat bor — 131 ta gol va 69 ta samarali uzatma.

Italiya chempionatining 21-turida «Torino»ga qarshi bahsda (2:0) argentinalik futbolchi gol urib, yana bir golga assistlik qildi.

Futbolchi «Roma» safiga 2022 yil yozida «Yuventus» bilan shartnomasi yakunlanganidan so'ng erkin agent sifatida qo'shilgan. Shu tariqa u so'nggi 20 yil ichida turnirda 200 ta golli harakat marrasiga etgan ilk legionerga aylandi.

Manba: championat.com