"Vulverxempton" - "Nyukasl" uchrashuvida 35 yil deganda ilk bor 0:0 hisobida durang qayd etildi

Yakshanba kuni Premer-liganing yigirma ikkinchi turidan o'rin olgan "Vulverxempton" - "Nyukasl" uchrashuvi bo'lib o'tdi. O'yinda hisob ochilmadi - 0:0.

Qizig'i, so'nggi bor "Vulverxempton" va "Nyukasl" o'rtasidagi o'yin deyarli 35 yil avval - 1991 yilning fevralida 0:0 hisobida yakunlangan edi. O'shanda jamoalar Ikkinchi divizionda to'qnash kelishgan.

Agar ingliz futbolining top-divizionini oladigan bo'lsak, "Nyukasl" va "Vulverxempton" o'rtasidagi qarama-qarshilikda oxirgi marta 1974 yil oktyabr oyida golsiz durang qayd etilgan.

"Nyukasl" ayni damda Premer-liga turnir jadvalida sakkizinchi, "Vulverxempton" esa 20-o'rinni egallab turibdi.