Florentino Peres Joan Laportaning «Barselona» prezidenti bo'lishiga yordam bergan — El Confidencial
/ Kiritdi: BestMaster Ko'rilgan: 700
«Barselona» prezidenti Joan Laporta «Real» rahbari Florentino Peresning yordami bilan ushbu lavozimga saylangan. Bu haqda El Confidencial nashri xabar bermoqda.
Saylovlar vaqtida Laporta klub hisob raqamlariga 124,6 million evro kiritishi kerak edi, biroq unda bunga etarli mablag' mavjud emas edi. Shu sababli Peres to'g'ridan-to'g'ri bankka murojaat qilib, raqibiga yordam ko'rsatgan.
Dastlab bank to'lovni ma'qullashga loqaydlik bilan yondashgan, chunki «Barselona» moliyaviy inqiroz holatida edi va o'z vaqtida to'lovni kafolatlay olmasdi. Shunga qaramay, Peresning qat'iyligi natijasida bank oxir-oqibat bitimga rozi bo'lgan.
«Real» prezidentining bunday xatti-harakatiga sabab o'sha paytda u Laportani Superliga loyihasida ittifoqchi deb hisoblagani bilan izohlanadi. Biroq shundan so'ng «Barselona» ushbu loyihani tark etishga qaror qildi.
2021 yil aprelida Evropaning 12 ta etakchi klubi Superliga tashkil etilganini e'lon qilgan edi. Ular qatoriga «Real», «Yuventus», «Barselona», «Atletiko», «Milan», «Inter», «Manchester Yunayted», «Manchester Siti», «Chelsi», «Liverpul», «Tottenxem» va «Arsenal» kiradi. Ammo UEFA tomonidan sanktsiyalar bilan tahdid qilingach, loyiha to'xtatildi va ishtirokchilarning deyarli barchasi Superligani tark etdi.
Bosh sahifaga
323