"Bavariya" direktori 39 yoshli Noyerning kelajagi haqida fikr bildirdi

"Bavariya" sport direktori lavozimida ishlab kelayotgan Maks Eberl myunxenliklar darvozaboni Manuel Noyerning kelajagi haqida gapirdi.

"Manuning hozirgi o'yini - bu jahon darajasidagi o'yin. Xotirjammiz. Mavsum oxirida, aprel-may oylarida suhbatlashamiz va hammasi qanday bo'lishini ko'ramiz. Hozir u juda yaxshi o'ynamoqda," - dedi Eberl.

Mart oyida germaniyalik posbon 40 yoshga to'ladi. U "Bavariya" safida 2011 yildan buyon to'p tepib kelmoqda. Myunxenliklar safida Noyer 12 marta Bundesliga oltin medalini qo'lga kiritgan va ikki marta Chempionlar Ligasi g'olibiga aylangan.