Hamzat Chimaev nima uchun jimlikda mashq qilayotganini tushuntirdi

O'rta vazn toifasida (84 kg gacha) UFC chempioni Hamzat Chimaev nima uchun jimlikda mashq qilishni yaxshi ko'rishini aytdi.

"Mashg'ulotlarda ko'p gapirish mumkin emas. Mashg'ulotlarda ko'p gapirsang, hech qachon chempion bo'lolmaysan. Gap kam, ish ko'p. Faqat shundagina chempion bo'lish mumkin. Mashg'ulot boshlanganda, zalda tinchlik bo'lishi kerak. Mashg'ulotdan keyin kafeda suhbatlashish mumkin", - dedi Chimaev MTGYM23 YouTube-kanaliga bergan intervyusida.

Hamzat Chimaev 31 yoshda. Checheniston Respublikasida tug'ilgan u UFC’dagi debyutini 2020 yilda o'tkazgan. 2025 yilda o'rta vazn toifasida (84 kg gacha) chempionlik unvonini qo'lga kiritdi. Tashkilotda uning hisobida jami to'qqizta g'alaba va birorta mag'lubiyat yo'q.