"Napoli" "Roma"da ishlari yurishmagan hujumchiga ko'z tikdi

"Roma"da ijara asosida to'p tepayotgan "Brayton" hujumchisi Evan Fergyuson faoliyatini Italiyaning boshqa bir klubida davom ettirishi mumkin. Bu haqda Corriere dello Sport xabar berdi.

Manbaga ko'ra, irlandiyalik futbolchining transferiga "Napoli" qiziqish bildirmoqda. Neapolliklar jamoani niderlandiyalik Noa Lang tark etsa, hujumni kuchaytiradi.

21 yoshli Fergyuson Italiya chempionatining joriy mavsumida 16 ta o'yin o'tkazdi. Irlandiyalik hujumchi 3 ta gol va 2 ta golli uzatmaga mualliflik qildi.