"Borussiya" Dortmund oktyabr oyidan buyon Bundesligada mag'lub bo'lmayapti

Dortmundning "Borussiya" klubi oktyabr oyidan beri Bundesligada mag'lub bo'lmayapti.

Mag'lubiyatsiz seriya 11 o'yindan iborat - 7 g'alaba va 4 durang.

Kecha Niko Kovach jamoasi 18-turda o'z maydonida "Sankt-Pauli"ni mag'lub etdi (3:2). 95-daqiqada Emre Jan penaltidan g'alaba to'pini kiritdi.

Dortmundliklar 39 ochko bilan musobaqa jadvalida 2-o'rinni egallab turibdi. "Bavariya" bilan oradagi farq 11 ochkoni tashkil etmoqda.

Germaniya chempionatining navbatdagi o'yinini "Borussiya" 24 yanvar kuni safarda "Union"ga qarshi o'tkazadi.