Flik: «Kimdir «Barsa»da o'ynashni istasa, bunga 100 foiz yuragini bag'ishlashi kerak»

"Barselona" bosh murabbiyi Xans-Diter Flik 18 yoshli Dro Fernandes klubni tark etishi mumkinligi haqidagi mish-mishlarga munosabat bildirdi.

"Biz "Barsa"miz va hozirda dunyodagi eng yaxshi jamoalardan birimiz. Biz La Masiya tarbiyalanuvchilariga mashg'ulot o'tkazish, o'sish va dunyoning eng yaxshi futbolchilari bilan o'ynash imkoniyatini beramiz. Biz ularga ishonamiz va ularni qo'llab-quvvatlaymiz.

Agar kimdir "Barsa"da o'ynashni istasa, bunga 100 foiz yuragini bag'ishlashi kerak. U shu bilan yashashi kerak. Futbolchilarimda aynan shuni ko'rishni istayman. Murabbiy sifatida siz ko'p kuch sarflaysiz, ularga ishonch qo'shishga yordam berasiz, lekin ularning atrofida ko'p odamlar bor.

Agar u oxir-oqibat boshqa klubga ketsa, o'shanda mendan so'rang va men javob beraman, lekin hozir u biz bilan", - dedi Flik.