"Atletiko" "PSJ"dan ketishni istab qolgan futbolchi bo'yicha muzokara boshladi
/ Kiritdi: BestMaster Ko'rilgan: 251
"Atletiko" ikki pozitsiyani kuchaytirmoqchi: markaziy yarim himoya va qanot hujum chizig'i. Markaz uchun "Vulverxempton"dan Joao Gomes va "Barselona"dan Mark Kasado, qanot uchun "PSJ"dan Li Kan In variant bo'lib turibdi.
Marca ma'lumotiga ko'ra, "matraschilar" 24 yoshli koreyalikni anchadan beri kuzatib kelishmoqda, biroq avvalroq u maosh bo'yicha yuqori talablar va "PSJ"ning uni qo'yib yuborishni istamasligi tufayli jamoaga kelmagan edi. Endi esa Li Kan Inning o'zi "PSJ"da o'yin amaliyoti yo'qligi sababli jamoani tark etmoqchi.
"Valensiya"da koreyalik futbolchi bilan birga ishlagan "Atletiko" sport direktori Mateu Alemani juma kuni yarim himoyachi transferi ustida ishlashni boshlash uchun Parijda edi.
Li Kang In Liga 1 mavsumida 14 ta o'yinda bitta gol urdi va ikkita golli uzatmani amalga oshirdi, o'rtacha 62 daqiqa o'ynadi.
Bosh sahifaga
325