Gvardiola Gexining "Manchester Siti"ga o'tishi haqidagi savolga javob berdi

"Manchester Siti" bosh murabbiyi Xosep Gvardiola "Kristal Pelas" markaziy himoyachisi Mark Gexi bilan shartnoma imzolayotgani haqidagi xabarga izoh berdi.

"Shaharliklar" shanba kungi "Sanderlend"ga qarshi o'yin qaydnomasidan o'rin olmagan "burgutlar" sardori bo'yicha kelishuvni yaqin kunlarda yopishi kutilmoqda.

"Men klubimdan rasmiy ma'lumotlarni eshitmadim. O'ylaymanki, hammasi tayyor bo'lgach, bu haqda menga xabar berishadi va siz ham bilib olasiz. Ko'rinib turibdiki, biz bunga yaqinmiz, ammo men hozirgina Ferran Soriano va Ugu Viana bilan gaplashdim - ular menga bu haqda hech narsa aytishmadi," - deya Gvardiolaning so'zlarini keltiradi City Xtra.