«Valensiya» hujumchisi bir necha haftani o'tkazib yuboradi

"Valensiya" hujumchisi Maksi Gomes La Liganing 26-turida "Betis" bilan uchrashuvda (2:1) chap oyoq barmog'ini sindirib oldi.

Mundo Deportivo nashri xabariga ko'ra, hujumchi operatsiya qilinadi va shu sababli bir necha haftani o'tkazib yuboradi.

Katta ehtimol bilan futbolchi Chempionlar Ligasi 1/8 finalining ikkinchi uchrashuvida "Atalanta"ga qarshi o'ynay olmaydi.

Ushbu mavsumda 23 yoshli urugvaylik hujumchi La Ligada 22 o'yinda maydonga tushib, 9 ta gol urdi.

Manba: Mundo Deportivo