Gvardiola: «Abduqodir har safar maydonga tushganida o'zini zo'r ko'rsatmoqda»

"Manchester Siti" bosh murabbiyi Xosep Gvardiola o'zbekistonlik markaziy himoyachi Abduqodir Husanovning o'yini haqida qanday fikrda ekanini aytdi.

21 yoshli futbolchimiz jamoadoshlari va murabbiyi tomonidan muntazam ravishda maqtovlarga sazovor bo'lmoqda. "Manchester Yunayted" bilan derbi oldidan ispaniyalik mashhur murabbiy yana bir bor Abduqodir haqida iliq fikrlar bildirdi.

"Husanov "Arsenal"ga qarshi o'yinda jarohat olgunga qadar mavsum boshida doimiy o'ynadi. Shundan so'ng u ko'plab o'yinlarni o'tkazib yubordi, chunki Ruben Diash juda yaxshi holatda edi. Abduqodir har safar maydonga tushganida o'zini zo'r ko'rsatmoqda," - dedi Gvardiola matbuot anjumanida.