Professional boks. Ruslan Abdullaev navbatdagi g'alabani qo'lga kiritdi (video)

Bokschimiz Ruslan Abdullaev bugun AQShning Kaliforniya shtatida Golden Boy promouterlik kompaniyasi tomonidan tashkil etilgan jang kechasida ringa ko'tarildi.

U urugvaylik Eduardo Xavier Abreuga qarshi bahs olib bordi. Kutilganidek iste'dodli bokschimiz raqibiga xech qanday imkoniyat qoldirmadi. 8 raundlik jangning 5- raundida  nokdaundan so'ng raqib tura oldi, ammo keyingi berilgan ketma-ket zarbalarga dosh bera olmadi va referi uni chuqur nokautdan qutqarib qoldi.

Shu tariqa, yurtdoshimiz professional boksdagi 4-jangida ham zafar quchib, g'alabali seriyasini davom ettirdi.