Trent «Real»dagi holatidan norozi. U jamoani tark etishi mumkin

Himoyachi Trent Aleksandr-Arnold "Real"ni tark etishi mumkin.

The Telegraph xabariga ko'ra, angliyalik futbolchi Madrid klubidagi holatidan tobora norozi bo'lib bormoqda. Uning hafsalasi pir bo'lishiga "qaymoqranglilar" rahbariyati haligacha bajarmagan bir qator va'dalar sabab bo'lgan. Shu sababli Trent "Real"dan ketish variantini ko'rib chiqishi mumkin.

Trent Aleksander-Arnold 2025 yilning yozida "Liverpul"dan "Real"ga o'tgandi. Uning "qaymoqranglilar" bilan shartnomasi 2031 yil 30 iyungacha mo'ljallangan. Joriy mavsumda himoyachi Madrid klubi safida barcha musobaqalarda 11 ta o'yinda maydonga tushib, 1 ta golli uzatmani amalga oshirdi.